काठमाडौं । नेपाल स्टक एक्सचेन्ज (नेप्से)मा नेपाल इन्स्योरेन्ससहित तीन कम्पनीको १ करोड २२ लाख बढी कित्ता शेयर थपिएको छ।
नेप्सेमा नेपाल इन्स्योरेन्स, शिवम सिमेन्ट र शाइन रेसुंगा डेभलपमेन्ट बैंकको कुल १ करोड २२ लाख ६२ हजार ८४३.३७ कित्ता बोनस शेयर सूचीकृत भएको हो। जसमा नेपाल इन्स्योरेन्सको १४ लाख ९४ हजार ७६६ कित्ता, शिवम सिमेन्टको ६२ लाख ७० हजार कित्ता र शाइन रेसुंगाको ४४ लाख ९८ हजार ७७.३७ कित्ता बोनस शेयर रहेका छन्।
यी तीनै कम्पनीले गत आर्थिक वर्षका लागि शेयरधनीहरुलाई वितरण गरेको बोनस शेयर आज नेप्सेमा सूचीकृत भएको हो। गत आर्थिक वर्षका लागि नेपाल इन्स्योरेन्सले १० प्रतिशत, शिवम सिमेन्टले १४.२५ प्रतिशत र शाइन रेसुंगा डेभलपमेन्ट बैंकले १०.५ प्रतिशत बोनस शेयर वितरण गरेको थियो।
