काठमाडौं । नेपाल इन्स्यारेन्सको करिब ३६ लाख कित्ता शेयर आज फागुन ८ गतेबाट बिक्रीमा राखिएको छ। कम्पनीको विभिन्न संस्थापक शेयरधनीहरुको नाममा रहेको ३५ लाख ८७ हजार ४३४ कित्ता शेयर बिक्रीमा राखिएको हो।
बिक्रीमा राखिएको शेयरमामा आइजिआई प्रुडेन्सियल इन्स्योरेन्सको नाममा रहेको २० लाख कित्ता, आइएमई लिमिटेडको नाममा रहेको ७ लाख ५० हजार कित्ता, हाथवे इन्भेस्टमेन्टको नाममा रहेको ६ लाख ५० हजार कित्ता र ग्लोबल आइएमई क्यापिटलको नाममा रहेको १ लाख ८७ हजार ४३४ कित्ता शेयर रहेको छ। नेपाल रिइन्स्योरेन्सको शेयर बेचेर आइएमई ग्रुप बाहिरिन खोजेको हो।
यी शेयरमा हाललाई विद्यमान संस्थापक शेयरधनीहरुले मात्रै खरिद आवेदन दिन पाउनेछन्। बिक्रीमा राखिने शेयरको न्यूनतम मूल्य २८० रुपैयाँ तोकिएको छ। यसको संस्थापक शेयरधनीले बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ।
आउँदो चैत १२ गतेसम्म खरिद आवेदन दिन सकिनेछ। बोलपत्र काठमाडौंको नक्सालस्थित ग्लोबल आइएमई क्यापिटलमा पेस गर्न सकिनेछ।
