काठमाडौं । पर्साको वीरगन्ज महानगरपालिकाका केही ठाउँमा आज सोमबार साँझदेखि अनिश्चितकालीन कर्फ्यु आदेश जारी गरेको छ।
रौतहटको ईशनाथ नगरपालिकाको मोतीपुरमा भएको विवादलाई लिएर जिल्ला प्रशासन कार्यालय पर्साले वीरगन्जमा आज साँझ ५ बजेदेखि अनिश्चितकालका लागि कर्फ्यु आदेश जारी गरेको हो। वीरगन्जको पूर्वमा बाराको सिमाना जोडिएको नगवाचौक, पश्चिममा तिलावे पुल, उत्तरमा परवानीपुर र दक्षिणमा मितेरी पुल भन्सारसम्मको क्षेत्रमा कर्फ्यु लगाइएको छ।
वीरगन्जमा भएको प्रदर्शनका क्रममा विवाद र झडपको स्थिति आएकाले कर्फ्यु आदेश जारी गर्नु परेको पर्सा प्रशासनले जनाएको छ। कर्फ्यु आदेश उल्लंघन गरेकोमा कानुनबमोजिम कडा कारबाही हुने प्रशासनले चेतावनी दिएको छ।
