काठमाडौं । आज साताको अन्तिम दिन शेयर बजार बढेर बन्द भएको छ । आज शेयर बजार नेप्से परिसूचक ५ दशलमव ७४ अंकले बढेर २,०९६ को विन्दुमा कायम भएको छ । आज १५७ कम्पनीको शेयर मुल्य बढेको छ भने ८२ कम्पनीको शेयर मुल्य घटेको छ ।
आज दिनभरिमा ३१७ कम्पनीको ९१ लाख ७१ हजार ७१० कित्ता शेयर किनबेच हुँदा ३ अर्ब २१ करोडमाथिको शेयर कारोबार भएको छ । आज पनि सबैभन्दा धेर हिमालयन लाइफको शेयर कारोबार भएको छ । आज यस कम्पनीको १८ करोड ८७ लाख रुपैयाँको शेयर कारोबार भएको छ ।
त्यस्तै, चन्द्रगिरी हिल्सको ८ करोड ७६ लाख रुपैयाँको शेयर कारोबार भएको छ । अपि पावरको ७ करोड ७५ लाख रुपैयाँको शेयर कारोबार भएको छ । ङादी ग्रप पावरको ७ करोड ३० लाख रुपैयाँको शेयर कारोबार भएको छ ।
आज सबैभन्दा धेरै समाज लघुवित्त वित्तीय संस्थाका लगानीकर्ताले कमाएका छन् । आज यस कम्पनीका लगानीकर्ताले १० प्रतिशतका दरले कमाएका हुन् । बुद्धभुमी हाइड्रोपावर कम्पनीका लगानीकर्ताले ९ दशलमव ९९ प्रतिशतका दरले कमाएका छन् । त्रिसुली जलविद्युतका लगानीकर्ताले ९ दशलमव ८४ प्रतिशतका दरले कमाएका हुन् ।
आज सबैभन्दा धेरै सिद्धार्थ इन्भेष्टमेन्ट ग्रोथका इकाईधनीले गुमाएका छन् । आज यसका इकाईधनीले ९ दशलमव ९७ प्रशिततका दरले गुमाएका हुन् ।
