काठमाडौं । सानिमा माई हाइड्रोपावरले चालु आर्थिक वर्षको दोस्रो त्रैमासको अपरिष्कृत वित्तीय विवरण सार्वजनिक गरेको छ।
समीक्षा अवधिमा कम्पनीले ३३ करोड ४१ लाख रुपैयाँ माथि नाफा आर्जन गरेको छ। अघिल्लो वर्ष यही अवधिमा कम्पनीले ३२ करोड ३१ लाख रुपैयाँ नाफा आर्जन गरेको थियो। अघिल्लो वर्षको तुलनामा समीक्षा अवधिमा कम्पनीको नाफामा ३.३९ प्रतिशतले बढी हो।
दोस्रो त्रैमासमा कम्पनी सञ्चालन मुनाफा घटेर ३६ करोड ९५ लाख रुपैयाँमा खुम्चिएको छ। अघिल्लो वर्ष यही अवधिमा यस्तो मुनाफा ३८ करोड १८ लाख रुपैयाँ थियो।
दोस्रो त्रैमासमा कम्पनीले विद्युत बिक्रीबाट ४९ करोड ९२ लाख रुपैयाँ आम्दानी गरेको छ। अघिल्लो वर्ष यस्तो आम्दानी ५० करोड ४९ लाख रुपैयाँ थियो। विद्युत बिक्रीको आम्दानी पनि १.१३ प्रतिशतले घटेको छ।
चुक्तापुँजी ३ अर्ब ८ करोड रुपैयाँ रहेको कम्पनीको रिटेन्ड अर्निङको आकार ३४.७६ प्रतिशतले बढेर १ अर्ब ४० करोड रुपैयाँको उचाइमा पुगेको छ। अघिल्लो वर्ष रिटेन्ड अर्निङमा १ अर्ब ४ लाख रुपैयाँ थियो।
कम्पनीको वार्षिक प्रतिशेयर आम्दानी (ईपीएस) बढेर १०.८२ रुपैयाँ कायम भएको छ। अघिल्लो वर्ष ईपीएस १०.४८ रुपैयाँ थियो। पीई रेसियो ३४.५६ गुणा रहेको कम्पनीको प्रतिशेयर नेटवर्थ १८९.१० रुपैयाँ रहेको छ।
