काठमाडौं । आज शेयर बजार नेप्से परिसूचक बढेर बन्द भएको छ । लगातार तेस्रो दिन आज नेप्से दोहोरो अंकले बृद्धि भएको छ । आज नेप्से परिसूचक १४ दशमलव ८८ अंकले बढेर २,११९ को विन्दुमा कायम भएको छ । आज १५२ कम्पनीको शेयर मुल्य बढेको छ भने ८५ कम्पनीको शेयर मुल्य घटेको छ ।
आज ३०८ वटा कम्पनीको १ करोड ५१ लाख ७८ हजार ३६८ कित्ता शेयर किनबेच हुँदा ५ अर्ब ५४ करोड रुपैयाँको शेयर कारोबार भएको छ । आज पनि सबैभन्दा धेरै हिमालयन रिइन्स्योरेन्सको शेयर कारोबार भएको छ । आज यस कम्पनीको ७५ करोड २७ लाख रुपैयाँको शेयर कारोबार भएको छ । ङादी ग्रुप पावर कम्पनीको २२ करोड २० लाख रुपैयाँको शेयर कारोबार भएको छ ।
त्यस्तै, नेपाल पुनर्बीमाको २० करोड ७८ लाख रुपैयाँको शेयर कारोबार भएको छ । अरुण भ्याली हाइड्रोपावरको १४ करोड ९७ लाख रुपैयाँको शेयर कारोबार भएको छ ।
आज सबैभन्दा धेरै चन्द्रगिराी हिल्स, समाज लघुवित्त वित्तीय संस्था र रावा इनर्जीका लगानीकर्ताले कमाएका छन् । आज यी ३ कम्पनीका लगानीकर्ताले १० प्रतिशतका दरले कमाएका हुन् । सिनर्जी पावर कम्पनीका लगानीकतार््ले ८ दशलमव ७२ प्रतिशतका दरले कमाएका छन् ।
आज सबैभन्दा धेरै मिड सोलु हाइड्रोपावर कम्पनीका लगानीकर्ताले गुमाएका छन् । आज यस कम्पनीका लगानीकर्ताले ८ दशलमव ३५ प्रतिशतका दरले गुमाएका हुन् ।
