काठमाडौं । अरुण भ्याली हाइड्रोपावर डेभलपमेन्ट कम्पनीको हकप्रद शेयर सुरक्षित गर्ने आज माघ १४ गते अन्तिम दिन रहेको छ।
अरुण भ्याली हाइड्रोपावरले हकप्रद शेयर निष्कासन प्रयोजनार्थ भोलि माघ १५ गते १ दिन बुक क्लोज गर्ने निर्णय गरेको छ। यसको अर्थ आज माघ १४ गतेसम्म कायम शेयरधनीहरुमात्रै यो कम्पनीको हकप्रद भर्न पाउन योग्य हुनेछन्।
कम्पनीले हाल कायम चुक्तापुँजीको १ अर्ब ८६ करोड ७९ लाख ६२ हजार ६०० रुपैयाँबराबरको १ः१ अनुपातमा अर्थात १०० प्रतिशत हकप्रद शेयर निष्कासनको अनुमति पाएको छ। जसअनुसार कम्पनीले १०० रुपैयाँ अंकित दरका कुल १ करोड ८६ लाख ७९ हजार ६२६ कित्ता निष्कासन गर्नेछ। हकप्रद शेयर निष्कासन मिति भने कम्पनीले तय गरिसकेको छैन।
अरुण भ्याली हाइड्रोपावरको हकप्रद बिक्री प्रबन्धकमा मुक्तिनाथ क्यापिटल रहेको छ।
