काठमाडौं । यो साता शेयर बजारमा पाँच दिन कारोबार भएको छ। बजार पाँचै दिन घटेको छ। यो साता नेप्से परिसूचक ७१.७३ अंकले घटेको छ। साताको अन्तिम दिन बिहीबार नेप्से २०८४.०९ को विन्दुमा झरेर बन्द भएको छ। अघिल्लो साताको बिहीबार नेप्से २१५५.८२ को विन्दुमा बन्द भएको थियो।
यो साता नेप्से उपसमूहमा रहेका १३ वटा समूहमध्ये होटेल तथा पर्यटन समूहमात्रै बढेको छ भने अन्य सबै समूह घटेको छ। होटेल तथा पर्यटन समूह यो साता १.२१ प्रतिशतले बढेको छ।
पाँचै दिन नेप्से घट्दा बजार पुँजीकरण पनि घटेर ३२ खर्ब ७३ अर्ब ३३ करोड रुपैयाँमा झरेको छ। अघिल्लो साताको अन्तिम कारोबार दिन बिहीबार बजार पुँजीकरण ३३ खर्ब ८६ अर्ब ३ करोड रुपैयाँ थियो। यस हिसाबले यो साता लगानीकर्ताहरुले १ खर्ब १२ करोड रुपैयाँ गुमाएका छन्।
