काठमाडौं । ब्लु इनर्जी लिमिटेडको प्रथम वार्षिक साधारण सभा माघ २८ गते हुने भएको छ । सभा कम्पनीको रजिष्ट्रर्ड कार्यालयमा विहान ११ बजे गर्ने कम्पनीले जनाएको छ । कम्पनीको पुस २९ गते बसेको संचालक समितिको बैठकले उक्त सभाको मिति तय गरेको हो ।
सभाले संचालक समितिको वार्षिक प्रतिवेदन उपर छलफल गरी पारित गर्ने, गत असार मसान्तको वासलात तथा सोही मितिसम्मको नीतिहरु सहितको तत् सम्बन्धी अनुसुचिहरु उपर छलफल गरी पारित गर्नेछ ।
त्यस्तै, लेखापरीक्षण कार्यका लागि लेखापरीक्षण नियुक्त गरी निजको पारीश्रमिक निर्धारण गर्ने प्रस्ताव पारित गर्नेछ । संचालक समितिको गठन गर्ने, संचालकहरुको पारिश्रमिक र भत्ता निर्धारण गर्ने, संचालक समितिको कार्यहरु अनुमोदन गर्ने लगायतका प्रस्ताव पारित गर्ने जनाएको छ ।
