काठमाडौं । नेपाल आयल निगमले मंगलबारदेखि लागू हुने गरी पेट्रोल डिजल र मट्टीतेलको नयाँ बिक्री मूल्य तोकेको छ। निगमका अनुसार पेट्रोल डिजल र मट्टीतेलको प्रति लिटर मूल्यमा १ रुपैयाँ कटौती गरी नयाँँ बिक्री मूल्य तय गरिएको छ।
झापाको चारआली, मोरङको विराटनगर, धनुषाको जनकपुर, बाराको अमलेखगञ्ज, रुपन्देहीको भलवारी,बाँकेको नेपालगञ्ज, कैलालीको धनगढी र पर्साको वीरगञ्जका उपभोक्ताले पेट्रोल र डिजेल प्रति लिटर क्रमशः १६३ रुपैयाँ पचास पैसा र १५३ रुपैयाँ पचास पैसाका दरले खरिद गर्न पाउने भएका छन्। यसैगरी सुर्खेत र दाङका उपभोक्ताले प्रतिलिटर १६५ र १५५ का दरले पेट्रोल र डिजल खरिद गर्न पाउनेछन् ।
निगमका अनुसार काठमाडौं पोखरा र दिपायल डोटीको बजारमा पेट्रोलको मूल्य १६६ रुपैयाँ र डिजेल मट्टीतेलको मूल्य १५६ रुपैयाँ कायम गरिएको छ।
