काठमाडौं । सशस्त्र प्रहरी बलमा विभिन्न पदमा नयाँ भर्ना खुलेको छ।
सशस्त्र प्रहरी निरीक्षक, सशस्त्र प्रहरी सहायक निरीक्षक र परिचर पदमा नयाँ भर्ना खुलेको हो । यी पदमा २८८ जनाका लागि दरखास्त आह्वान गरिएको छ।
सशस्त्र प्रहरी बलले निरीक्षक पदमा ९९ जना, सहायक निरीक्षक पदमा ९८ र परिचर पदमा ९१ जनाका लागि भर्ना खुलाएको हो । परिचरमा भान्छे, कूचिकार, सूचिकार, केशकर्तक, चर्मकर्मी र मालीका लागि नयाँ भर्ना खुलाइएको छ।
यी पदहरुमा खुला प्रतियोगिताद्वारा पदपूर्ति गरिने सशस्त्र प्रहरी बलले जनाएको छ।
इच्छुक उम्मेदवार आज पुस २० गतेदेखि माघ २१ गतेसम्म दरखास्त दिन सक्नेछन्। दोब्बर दस्तुर तिरी माघ २८ गतेसम्म दरखास्त दिन सकिनेछ।
