काठमाडौं । लिन्च स्टक मार्केट (ब्रोकर नं. ४१)ले आफ्ना शेयरधनीहरुका लागि हकप्रद शेयर बिक्री खुला गरिरहेको छ।
कम्पनीले जारी पुँजीमध्ये जगेडामा रहेको शेयर आफ्ना शेयरधनीहरुलाई बिक्री खुला गरेको हो। जसअनुसार कम्पनीले १ः०.२० अनुपातमा २० प्रतिशत हकप्रद शेयर शेयरधनीहरुका लागि बिक्री खुला गरेको छ।
कम्पनीका शेयरधनीहरुले आउँदो फागुन १४ गतेसम्म हकप्रद शेयरबापतको रकम कम्पनीको बैंक खातामा जम्मा गर्न सक्नेछन्। बैंक खातामा रकम जम्मा गरी सोको भौचर कम्पनीको लेखा शाखा बुझाउन कम्पनीले आग्रह गरेको छ।
यो कम्पनीको बैंक खाता काठमाडौंको नयाँ बानेश्वरस्थित मुक्तिनाथ विकास बैंकको शाखामा रहेको छ। शेयरधनीहरुले कम्पनीको बैंक खाता ०४८१०२००२२११८३०००००१ मा जम्मा गर्नुपर्नेछ।
