काठमाडौं। सिंगटी हाइड्रो इनर्जीले हकप्रद शेयर निष्कासन प्रयोजनार्थ बुक क्लोजको मिति तय गरेको छ।
कम्पनी सञ्चालक समितिको बैठकले हकप्रद शेयर निष्कासनका लागि पुस २२ गते बुक क्लोज गर्ने निर्णय गरेको छ। यसको अर्थ पुस १९ गते (पुस २० गते शुक्रबार र पुस २१ गते शनिबार)सम्म कायम शेयरधनीहरुले यो कम्पनीको हकप्रद भर्न पाउनेछन्।
सिंगटी हाइड्रोले गत पुस ११ गते नेपाल धितोपत्र बोर्डबाट १ः१ अनुपातमा अर्थात सतप्रतिशत हकप्रद शेयर बिक्री गर्नका लागि अनुमति पाएको हो। कम्पनीले १०० अंकित दरका कुल १ करोड ४५ लाख कित्ता हकप्रद शेयर निष्कासन गर्नेछ।
हाल कम्पनीको चुक्तापुँजी १ अर्ब ४५ रुपैयाँ करोड छ। हकप्रद बिक्रीपछि कम्पनीको चुक्तापुँजी २ अर्ब ९० करोड रुपैयाँ पुग्नेछ।
कम्पनीको हकप्रद शेयर निष्कासन तथा बिक्री प्रबन्धक कुमारी क्यापिटल रहेको छ।
