काठमाडौं । शेयर बजारमा यो साता ४० अंकको गिरावट आएको छ। यो साता २ दिन सार्वजनिक बिदा परेको ३ दिनमात्रै बजार खुलेको थियो।
यो दिनमा बजार ४०.२ अंकले घटेको छ। अघिल्लो साता बिहीबार बजार २१०९.१० को विन्दुमा बन्द भएको थियो। यो साता बिहीबार बजार २०६८.९० को विन्दुमा बन्द भएको छ।
बजार घट्दा लगानीकर्ताको सम्पत्ति करिब २ प्रतिशत घटेको छ। अघिल्लो साता बिहीबार बजारपुँजीकरण ३२ खर्ब ७६ अर्ब ३३ करोड रुपैयाँ थियो। यो साता बिहीबार बजारपुँजीकरण घटेर ३२ खर्ब १३ अर्ब ८९ करोडमा झरेको छ।
यो हिसाबले यो साता लगानीकर्ताको सम्पत्ति ६२ अर्ब ४४ करोड रुपैयाँले घटेको छ।
