काठमाडौं । नेपाल ल्युब आयलको शेयर मुल्य समायोजन भएको छ । कम्पनीको २५ प्रतिशत बोनश शेयरपछि शेयर मुल्य समायोजन भएको हो । कम्पनीले साधारण सभा तथा लाभांश प्रयोजनका लागि बुक क्लोज गरेसँगे नेप्सेले मुल्य समायोजन गरी नयाँ मुल्य निर्धारण गरेको हो ।
कम्पनीको हिजो पुस ८ गते अन्तिम कारोबार मुल्य २८२ रुपैयाँ ४० पैसाको आधारमा मुल्य समायोजन गरी २२५ रुपैयाँ ९२ पैसा कायम गरेको छ । अब पुस ११ गते सोही मुल्यलाई आधार मानी दोस्रो बजारमा शेयर कारोबार खुल्नेछ ।
कम्पनीले २५ प्रतिशत बोनश शेयर र कर प्रयोजनको लागि समेत ५ प्रतिशत नगद लाभांश गरि कुल ३० प्रतिशत लाभांश वितरण गर्ने प्रस्ताव गरेको छ । कम्पनीले पुस २५ गते साधारणसभा पनि आह्वान गरेको छ ।
