काठमाडौं । शेयर बजारमा आज (पुस ४ गते) शिवम् सिमेन्ट्सको सर्वाधिक रकमको कारोबार भएको छ।
शिवम् सिमेन्ट्सको आज एकैदिन ३७ करोड ३४ लाख रुपैयाँबराबरको शेयर कारोबार भएको हो। यो कम्पनीको बजारमूल्य अघिल्लो कारोबार दिनको तुलनामा ३.२० प्रतिशतले वृद्धि हुँदै ६१३ रुपैयाँमा कारोबार बन्द भएको छ।
शिवम् सिमेन्ट्सको शेयरमूल्य ६०५.८० रुपैयाँमा खुलेकोमा ६३८ रुपैयाँसम्म बजारमूल्य पुगेको थियो।
आज यो कम्पनीको शेयर खरिद-बिक्रीको फ्लोरसिट हेर्दा खरिदतर्फ ब्रोकर नम्बर १६ बाट सर्वाधिक २ करोड ५० लाख रुपैयाँको खरिद हुँदा बिक्रीतर्फ ब्रोकर नम्बर ८ बाट सर्वाधिक ५ करोड ८९ लाख रुपैयाँको बिक्री भएको छ।
