काठमाडौं । ललितपुरको भैंसेपाटीस्थित निर्माणाधीन मन्त्री निवासका मजदुरहरु बस्ने गरेको टहरामा मंगलबार बिहान आगलागी भएको छ।
बिहान ११ बजेतिर टहरामा आगलागी भएको जिल्ला प्रहरी कार्यालय ललितपुरले जनाएको छ। मजदुरहरुले खाना पकाउने ठाउँबाट आगो सल्केको हुन सक्ने प्रहरीको प्रारम्भिक अनुमान छ।
महानगर प्रहरीको बारुणयन्त्रसहित र प्रहरीको टोलीले आगो नियन्त्रणमा लिएको छ । केही क्षणमै आगो नियन्त्रणमा लिइएको ठूलो जोखिम टरेको प्रहरीले जनाएको छ।
