काठमाडौं। नेपाल आयल निगमका कार्यकारी निर्देशकबाट उमेशप्रसाद थानीले राजीनामा दिएका छन्।
थानीले मंगलबार उद्योग वाणिज्य तथा आपूर्ति मन्त्रालय पुगेर मन्त्री रमेश रिजालसमक्ष राजीनामा दिएका हुन्। उनले भोलि मंसिर २७ गतेबाट लागू हुने गरी राजीनामा बुझाएको मन्त्रालय स्रोत बताउँछ।
स्रोतका अनुसार मन्त्री रिजालले थानीको राजीनामा स्वीकृत गरेका छन्। ‘राजीनामा दिनुको कारण भनेउ थानीले खुलाएका छैनन्’, स्रोत भन्यो।
सरकारले २०७८ फागुन २६ गते खुला प्रतिस्पर्धाबाट थानीलाई आयल निगमको कार्यकारी निर्देशकमा ३ वर्षका लागि नियुक्त गरेको थियो।
