काठमाडौं । शेयर बजारमा आज सामान्य अंकको गिरावट आएको छ।
झिनो गिरावट आएको बजारमा आज २९२ कम्पनीका ३८ लाख ९६ हजार २८७ कित्ता शेयर १ अर्ब १९ करोड ७२ लाख ५७ हजार ८९४.६९ रुपैयाँमा किनबेच भएका छन्। यो दिन १२२ कम्पनीको शेयरभाउ बढेको छ भने १०९ कम्पनीको घटेको छ।
आज समाज लघुवित्तका शेयरधनीहरुले धेरै कमाए। यो लघुवित्तको शेयरमूल्य ८.०६ प्रतिशतले बढेको छ। एनएमबि बैंकको डिबेन्चरको मूल्य पनि ५.९८ प्रतिशतले बढेको छ।
यो दिन एनआरएन इन्फ्रास्ट्रक्चर र माउन्टेन इनर्जीका शेयरधनीहरुले धेरै गुमाए। यी कम्पनीको शेयरमूल्यमा ९.९९ प्रतिशतको गिरावट आएको छ।
