काठमाडौं । विद्युतमा देखिएको समस्याका कारण अवरुद्ध सेयर कारोबार खुलेको छ।
बजार सञ्चालक नेप्सेमा विद्युत अवरुद्ध नियमितसत्रको सेयर कारोबार २५ मिनेट अवरुद्ध भएको थियो। विद्युत सुचारु गरी सेयर कारोबार पनि खुलेको छ। ‘सेयर कारोबार २५ मिनेट अवरुद्ध भएको थियो’, नेप्सेका एक अधिकारीले भने, ‘उक्त २५ मिनेट थपेर आज नियमित कारोबार दिउँसो ३ः२५ बजेसम्म सञ्चालन हुनेछ।’
आज प्रि–ओपसन सेसन भने हुन सकेन। नेप्सेको वेबसाइट भने अझै अवरुद्ध नै छ।
