काठमाडौं । नेपाल पुनर्बीमा कम्पनी लिमिटेडले ४ दशमलव ७५ प्रतिशत बोनश शेयर वितरण गरेको छ । कम्पनीले असार १५ गते सम्पन्न आठौं वार्षिक साधारण सभाबाट पारित गरेको उक्त बोनश शेयर असोज १९ गतेदेखि जम्मा गर्न सुरु गरेको जनाएको छ ।
कम्पनीले आर्थिक वर्ष ०७८/७९ को मुनाफाबाट बोनशसँगै कर प्रयोजनका लागि शून्य दशमलव २५ प्रतिशत नगद लाभांशको प्रस्ताव समेत सभामार्फत पारित गरेको थियो । साधारण सभा र लाभांश प्रयोजनका लागि कम्पनीले असार ७ गते एक दिन बुक क्लोज गरेको थियो । त्यसकारण असार ६ गतेसम्म आफ्नो कायम शेयरधनीहरूको हितग्राही खातामा बोनश शेयर जम्मा गरिएको कम्पनीले जनाएको छ ।
त्यसैगरी असार ६ गतेसम्म शेयर धितो बन्धक राखी कर्जा लिएका सदस्यहरूको हकमा भने सम्बन्धित बैंक तथा वित्तीय संस्थाको नाममानै रोक्का जनाई जम्मा गरिएकाले राफसाफ भइसकेको भए फुकुवा गर्न समेत कम्पनीले आग्रह गरेको छ ।
कम्पनीले धितोपत्र दोस्रो बजारमा शेयर सूचीकृत गराई सम्बन्धित शेयरधनीहरूको हितग्राही खातामा बोनश शेयर जम्मा गरेको हो ।
