काठमाडौं । आजदेखि सन नेपाल लाइफको शेयर कारोबार भएको छ । कम्पनीको शेयर प्रतिकित्ता ४७५ रुपैयाँ २० पैसामा कम्पनीको पहिलो कारोबार भएको हो। कम्पनीको शेयर असोज २ गते, नेप्सेमा सूचिकृत भएको थियो। यस दिन नेप्सेमा कम्पनीको ३ करोड २० लाख कित्ता शेयर सूचिकृत भएको थियो।
पहिलो कारोबारका लागि कम्पनीलाई नेप्सेले १५८ रुपैयाँ ४१ पैसादेखि ४७५ रुपैयाँ २३ पैसासम्मको ओपनिङ्ग रेञ्ज प्रदान गरेको थियो। सोही रेञ्जका आधारमा यस दिन इन्स्योरेन्सको पहिलो कारोबार भएको हो। कम्पनीको स्टक टिकर एसएनएलआई रहेको छ।
कारोबार शुरु भएको १३ मिनेटमा शेयर बजार नेप्से परिसूचक २६ अंकको बृद्धि भएको छ भने सन नेपाल लाइफको शेयर मुल्य ४ रुपैयाँ २० पैसाले घटेर ४७१ रुपैयाँ कायम भएको छ ।
