काठमाडौं । नेपाल पुनर्बीमा कम्पनीले एक्चुअरी मूल्याङ्कनका लागि भारतको युनिभर्सल एक्चुअरी एण्ड वेनिफिट कन्सल्ट्यान्टलाई नियुक्त गरेको छ । कम्पनीले एक्चुअरी मूल्याङ्कनका लागि प्रस्ताव आह्वान गर्दा चार वटाको आवेदन परेको थियो । सोहि आवेदन मध्येबाट युनिभर्सललाई नियुक्त गर्ने निर्णय गरेको छ ।
युनिभर्सलले एलएटी मूल्याङ्कन, वैदेशिक रोजगार बीमा पुलको मूल्याङ्कन, तेस्रो पक्ष मोटर बीमाको पुल, कर्मचारीको उपदान तथा अवकासको मूल्याङ्कनका लागि ६ लाख रुपैयाँ पारिश्रमिक पाउनेछ । त्यस्तै जीवन बीमा पोलिसीको प्रोडक्ट प्राइसिङका लागि प्रति पोलिसी ८० हजार रुपैयाँ पर्ने गरी युनिभर्सल सँग सहमति भएको नेपाल पुनर्बीमाले जनाएको छ । एक्चुअरीका लागि यो काम गर्न धेरै समय लाग्दैन । एक दुइ महिना भित्रमा सकिने यस्तो कामका लागि उनिहरुले यति धेरै शुल्क प्राप्त गर्छन् । त्यसैले विश्वमै एक्चुअरीको आम्दानी सर्वाधिक र लोकप्रिय मानिन्छ । तर उनिहरुको संख्या भने एकदमै कम रहेको पाइन्छ ।
