काठमाडौं । पछिल्लो २४ घण्टामा नेपालमा थप ६२० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ५ हजार ८४६ नमुना परिक्षण गरिएको थियो । जसमध्ये २ हजार ६५१ जनामा गरिएको आरटी पिसीआर परिक्षणमा ४९६ जनामा कोरोना संक्रमण पुष्टि भएको हो । साथै ३ हजार १९५ जनामा गरिएको एन्टीजेन परिक्षणमा १२४ जनामा कोरोना संक्रमण पुष्टि भएको हो । सोही समय थप २९७ जना कोरोना संक्रमण मुक्त भएका छन् ।
आज थपिएका संक्रमितसँगै नेपालमा हाल सक्रिया कोरोना संक्रमितको संख्या ४ हजार ५६७ जना पुगेको छ । साथै आज थप १ जनाले कोरोना संक्रमणबाट ज्यान गुमाएको छ ।
