काठमाडौं । साताको पहिलो दिन नेपाली बजारमा सुन चाँदीको मूल्य घटेको छ । शुक्रबार तोलाको ९९ हजार ८ सय रुपैयाँमा कारोबार भएको छापावाला सुन आज ६ सय रुपैयाँले घटेर ९९ हजार २ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
महासंघका अनुसार आज तेजावी सुन प्रति तोला ९८ हजार ७ सय रुपैयाँमा कारोबार भइरहेको छ ।
यसैगरी शुक्रबारको तुलनामा चाँदी तोलामा १० रुपैयाँले घटेर प्रति तोला १३ सय ७५ रुपैयाँमा कारोबार भइरहेको छ ।
