काठमाडौं । सिउरी न्यादी पावर लिमिटेडको पाँचौं वार्षिक साधारण सभा चैत २१ गते हुने भएको छ । सभा युनियन हाउस, अनामनगर, काठमाडौंमा बिहान १० बजे शुरु हुने कम्पनीले जनाएको छ । कम्पनीको फागुन २३ गते बसेको सञ्चालक समितिको बैठकले साधारण सभा गर्ने निर्णय गरेको हो ।
सभाले कम्पनीको पूँँजी वृद्धि गर्ने, सञ्चालक समितिबाट भए गरेका निर्णय, काम कारबाही अनुमोदन गर्ने, सञ्चालकको नियुक्ती अनुमोदन गर्ने प्रस्ताव पारित गर्नेछ ।
त्यस्तै, आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने प्रस्ताव समेत पारित गर्नेछ ।
