काठमाडौं । नेशनल हाइड्रोपावर कम्पनीले रोकिएको २३ औ वार्षिक साधारणसभा आगामी चैत ११ गते गर्ने निर्णय गरेको छ । कम्पनीले आज विहान आयोजना गरेको साधारणसभामा कोरम नपुगे पछि साधारणसभानै हुन सकेन । साधारणसभा हुन नसके पनि कम्पनीले रोकिएको सभा चैत ११ गते सम्पन्न गर्नेछ ।
कम्पनीले साधारणसभामा चुक्ता पूँजीको १९ दशमलव ५ प्रतिशत लाभांश पारितका लागि पेश गर्दैछ । जसमा १८ दशमलव ५२५ प्रतिशत बोनश शेयर र बोनश शेयरमा लाग्ने कर प्रयोजनका लागि ०.९७५ प्रतिशत नगद लाभांश सहित १९ दशमलव ५ प्रतिशत रहेको छ । यसका साथै बोनस शेयर वितरण पछि कायम चुकता पूँजीको ५० प्रतिशत हकप्रद शेयर निष्काशन गर्ने प्रस्ताव पनि सभामा पेश गर्दैछ ।
