काठमाडौं । आज शेयर बजार नेप्से परिसूचक ५२ दशमलव २१ अंकले बढेर २,५६६ दशमलव ७९ को विन्दुमा कायम भएको छ । आज २ अर्ब ७९ करोड १८ लाख ७२ हजार रुपैयाँको शेयर कारोबार हुँदा सबैभन्दा धेरै अपि पावर कम्पनीको शेयर कारोबार भएको छ । कम्पनीको १६ करोड ६५ लाख रुपैयाँको शयर कारोबार भएको छ । नेपाल टेलिकमको १३ करोड २१ लाख रुपैयाँको शेयर कारोबार भएको छ ।
त्यस्तै, आज एनआइसी एशिया बैंकको १२ करोड ४६ लाख रुपैयाँको शेयर कारोबार भएको छ । अरुण भ्याली हाइड्रोपावर कम्पनीको ११ करोड ८६ लाख रुपैयाँको शेयर कारोबार भएको छ । हिमालयन डिष्टिलरीको ९ करोडमाथिको शेयर कारोबार भएको छ ।
