काठमाडौं । बुधबार नेप्से सूचक १५.५० अंकले घट्दा सबैभन्दा धेरै शेयर कारोबार गर्नेमा नेपाल टेलिकम रहेको छ । आज बुधबार कुल ३ अर्ब १३ करोड रुपैयाँको शेयर खरिद बिक्री हुँदा नेपाल टलिकमले मात्रै १९ करोड ३७ लाख रुपैयाँको शेयर कारोबार गरेको छ ।
यसैगरी आज घलेम्दी हाइड्रोपावरले १२ करोड ८५ लाखको शेयर कारोबार गर्दै सबैभन्दा धेरै शेयर कारोबार गर्ने कम्पनीमध्ये दोस्रो कम्पनी बन्न सफल भएको छ । बुधवार चौथो नम्बरमा कारोबार गर्ने कम्पनीको रुपमा रहेको हिमालयन डिस्टिलरी लिमिटेडले ९ करोड ९८ लाख रुपैयाँको शेयर कारोबार गर्दै तेस्रो स्थानमा उक्लिएको छ ।
नेशनल हाइड्रोपावर कम्पनीले आज ९ करोड ४९ लाख रुपैयाँको शेयर कारोबार गरेका छन् भने अपि पावर कम्पनीले ९ करोड ८ लाख बराबरको शेयर किनबेच भएको छ ।
