काठमाडौं । सुनको भाउ तोलामा ७ सय रुपैयाँले बृद्धि भएको छ । सुन चाँदी व्यवसायी महासंघका अनुसार आज सुनको भाउ प्रतितोला ९३ हजार ४०० रुपैयाँ तोकिएको छ । गत १६ गते सुनको भाउ प्रति तोला ९२ हजार ७०० रुपैयाँ थियो । अन्तर्राष्ट्रिय बजारमा सुनको भाउ पुनः उकालो लाग्न थालेको छ ।
कोभिड १९ को प्रभाव विस्तार बढ्न थाले सँगै सुनको भाउ बढ्न थालेको हो । अन्तर्राष्ट्र बजारमा अहिले सुनको भाउ प्रति औन्स १८२९ डलर रहेको छ । डिसेम्बरमा सुनको भाउमा गिरावट देखिए पनि यस वर्षको सुरुवातमै सुधार हुने संकेत देखिएको छ । ट्रेडरका लागि सुनको भाउ बढ्नु सुखद भए पनि नेपाल जस्तो सुनको उपभोक्ता धेरै भएको देशका लागि भने राम्रो मानिदैन । चाँदीको भाउ पनि प्रति तोला १० रुपैयाँले बढेको छ । नेपाली बजारमा चाँदीको कारोबार प्रति तोला १२७० रुपैयाँ तोकिएको छ ।
