काठमाडौं । सयपत्री हाइड्रोपावर लिमिटेडले पाँचौं वार्षिक साधारण सभा पुस २३ गते गर्ने भएको छ । सभा कम्पनीको रजिष्टर्ड कार्यालय, चावहिल, काठमाडौंमा अपरान्ह्र १ बजे गर्ने कम्पनीले जनाएको छ । कम्पनीको मंसिर २४ गते सम्पन्न सञ्चालक समितिको बैठकले सभा भर्चुअल माध्यमबाट गर्ने जनाएको छ ।
सभामा कम्पनीले आर्थिक वर्ष २०७७/०७८ को सञ्चालक समितिको प्रतिवेदन, लेखापरीक्षकको प्रतिवेदन सहित २०७८ आषाढ मसान्तको वासलात, सोही मितिमा समाप्त आर्थिक वर्ष २०७७/०७८ को नाफा नोक्सान हिसाव तथा नगद प्रवाह विवरण लगायतका वित्तीय विवरणहरु बारे छलफल गरी स्वीकृत गर्ने प्रस्ताव पारित गर्नेछ ।
त्यस्तै, सभाले कम्पनी ऐन, २०६३ को दफा १११ अनुसार आर्थिक वर्ष २०७८०७९ को लेखापरीक्षण गर्न लागि लेखापरीक्षक नियुक्ति गर्ने र निजको पारिश्रमिक निर्धारण गर्ने कम्पनी ऐन, २०६३ को दफा ११९ (३)अनुसार बहालवाला लेखापरिक्षक डिएन शाह एण्ड एशोसियट्स चार्टड एकाउन्टेन्ट्स पुनः नियुक्ति हुन योग्य हुने प्रस्तावलाई पारित गर्नेछ ।
त्यसैगरी सभाले शेयरधनीहरुबाट ६ जना सञ्चालकहरुको चयन गर्ने, कम्पनीको शेयरको प्रारम्भिक सार्वजनिक निष्काशन गर्ने लगायतका विविध प्रस्ताव पारित गर्नेछ ।
