काठमांडौ । मिर्मिरे लघुवित्त वित्तिय संस्था लिमिटेडले गत आर्थिक बर्ष २०७७/७८ को चौथो त्रैमासको अपरिष्कृत वित्तीय विवरण प्रकाशित गरेको छ । उक्त विवरण अनुसार गत आर्थिक वर्षको समिक्षा अवधिसम्ममा संस्थाले २० करोड १ लाख रुपैयाँ खुद नाफा आर्जन गर्न सफल भएको छ । अघिल्लो आर्थिक वर्षको सोही अवधिको तुलनामा संस्थाको नाफा ४८१.९० प्रतिशतले बढि हो । अघिल्लो आर्थिक वर्षको सोही अवधिमा संस्थाले ३ करोड ४३ लाख रूपैयाँ खुद नाफा आर्जन गरेको थियो ।
समिक्षा अवधिमा संस्थाको चुक्ता पुँजी ४३ करोड ५० लाख रुपैयाँ र जगेडा कोषमा ३४ करोड ५३ लाख रुपैयाँ रहेको छ । गत आर्थिक बर्षमा संस्थाको जगेडा कोषको आकार ३३४.१४ प्रतिशतले बृद्धि भएको हो ।
समिक्षा अवधिमा संस्थाको सञ्चालन मुनाफा पनि ४९०.१६ प्रतिशतले बढेर ३१ करोड ७६ लाख रुपैयाँ पुगेको छ । अघिल्लो आर्थिक वर्षको यस अवधिमा संस्थाको सञ्चालन मुनाफा ५ करोड ३८ लाख रूपैयाँ मात्र थियो । चौथो त्रैमाससम्म आइपुग्दा संस्थाको खुद व्याज आम्दानी पनि १२९.२० प्रतिशतले बढेर ४४ करोड ३२ लाख रपैयाँ पुगेको छ ।
गत आर्थिक वर्षमा कम्पनीले ४ अर्ब ५९ करोड २१ लाख ३३ हजार कर्जा सापटी लिएको छ । कम्पनीले ९० प्रतिशत निक्षेप संकलनमा बृद्धि गरी १ अर्ब ८८ करोड ३५ लाख २० हजार निक्षेप संकलन गरेको छ । कम्पनीको कर्जा प्रवाह भने १६० प्रतिशतले बृद्धि गरी ६ अर्ब ७७ करोड १९ लाख २६ हजार लगानी गरेको छ ।
समिक्षा अवधिमा संस्थाको बार्षिकृत प्रतिसेयर आम्दानी ४६ रुपैयाँ र प्रतिसेयर नेटवर्थ १७९ रुपैयाँ ३८ पैसा रहेको छ भने समिक्षा अवधिमा संस्थाको मूल्य आम्दानी रेसिया ४०.२२ गुणा रहेको छ ।
