काठमाडौं । बीमा समितिले नेशनल लाइफ इन्स्योरेन्स कम्पनीको प्रमुख कार्यकारी अधिकृतमा सुरेश प्रसाद खत्रीलाई नियुक्त गर्न अनुमति दिएको छ ।
बीमा समितिले सोमबार खत्रीलाई सिईओ नियुक्ती गर्न नेशनल लाईफको सञ्चालक समितिले गरेको सिफारिस सदर गरेको बीमा समितिले जनाएको छ ।
बैशाख १९ गते बसेको संचालक समितिको बैठकले खत्रीलाई कम्पनीको सिईओमा नियुक्त गर्न बीमा समितिमा प्रस्ताब गरेको थियो। उक्त प्रस्ताब बीमा समितिबाट पारित भए सगै अब बस्ने संचालक समितिको बैठकले ४ बर्षको लागि खत्रीलाई सिईओमा नियुक्त गर्नेछ।
नेशनल लाइफबाटै करिअर सुरु गरेका खत्री सँग २६ वर्षको अनुभव रहेको छ । यस अगाडिका प्रमुख कार्यकारी अधिकृत भरत बस्नेतको कार्यकाल सकिए पछि पुस तीन गते बसेको सञ्चालक समितिको बैठकले नायव प्रमुख कार्यकारी अधिकृत खत्रीलाई कार्यवाहक प्रमुख कार्यकारी अधिकृतको जिम्मेवारी प्रदान गरेको थियो ।
