काठमाडौं । नेपाल स्टक एक्सचेन्ज (नेप्से)मा पौने ४७ लाख कित्ता शेयर थपिएको छ।
नेप्सेमा सर्वोत्तम सिमेन्ट र शाइन रेसुंगा डेभलपमेन्ट बैंकको कुल ४६ लाख ७५ हजार १०७.२९ कित्ता बोनस शेयर सूचीकृत भएको छ। जसमा सर्वोत्तम सिमेन्टको ३२ लाख ५५ हजार कित्ता र शाइन रेसुंगाको १४ लाख २० हजार १०७.२९ कित्ता बोनस शेयर रहेका छन्।
यी दुवै कम्पनीले अघिल्लो आर्थिक वर्षमा शेयरधनीहरुलाई वितरण गरिएको बोनस शेयर आज नेप्सेमा सूचीकृत भएको हो। अघिल्लो आर्थिक वर्षमा सर्वोत्तम सिमेन्टले ७ प्रतिशत र शाइन रेसुंगा डेभलपमेन्ट बैंकले ३ प्रतिशत बोनस शेयर वितरण गरेका थिए।
