काठमाडौं । नेप्सेमा हिमालयन रिइन्स्योरेन्स कम्पनी र एशियन लाइफ इन्स्योरेसको शेयर मूल्य समायोजन भएको छ । यी कम्पनीहरुले साधारण सभा तथा लाभांश प्रयोजनका लागि बुक क्लोज गरेसँगै नेप्सेले नयाँ मुल्य निर्धारण गरी मुल्य समायोजन गरेको हो ।
हिमालयन रिइन्स्योरेन्सको ४ प्रतिशत बोनश शेयमा मूल्य समायोजन भएको हो । समायोजनपछि कम्पनीको शेयर मूल्य प्रति कित्ता ६२० रुपैयाँ २९ रुपैयाँ कायम भएको छ । नेप्सेले कम्पनीको आज अन्तिम कारोबार मुल्य ६४५ रुपैयाँ १० पैसाको आधारमा मुल्य समायोजन गरेको हो ।
त्यस्तै एशियन लाइफको ७ दशमलव ७५ प्रतिशत बोनश शेयरपछि मूल्य समायोजन भएको हो । समायोजनपछि कम्पनीको शेयर मूल्य ६ सय १६ रुपैयाँ ८० पैसा कायम भएको छ । नेप्सेले कम्पनीको अखाज अन्तिम कारोबार मुल्य ६ सय ६४ रुपैयाँ ६० पैसाको आधारमा मूलय समायोजन गरेको हो ।
