काठमाडौं । पछिल्लो समय बीमा पोलिसी उपहार दिने प्रचलन बढ्दै आइरहेको छ । गहना, सुन लगायतका जिन्सी सामानहरु दिने प्रचलनलाई छोडदै मानिसहरुले पछिल्लो समय बीमा पोलिसी दिने प्रचलन भित्राएका हुन् । यसैबीच ईटली बस्ने बर्दियाका मनोज कुमार चौधरी र स्टाफ नर्स अध्यन पुरा गरेकी कैलालिकी किरणले आफ्नो विवाहको दिन सुरक्षित भविस्य र जोखिम वहन सहितको हिमालयन धनसागर जीवन बीमा पोलिसी एक अर्कालाई हस्तान्तरण गरेका छन् ।
उनीहरुले आफ्नो वैवाहिक वर्षगाँठको सम्झना ताजा गराउनका लागि उक्त पोलिसी खरिद गरेका हुन् । सोमवार कैलाली भजनी स्थित दुलही किरणको घरमा स्वयम्वरका बेला एकले अर्कोलाई दुवो र गुलाव फुलको माला, औंठीसंगै हिमालयन लाईफको उक्त पोलिसी खरिद गरी एक अर्काले साटासाट गरेका हुन् ।
सिओटी तथा वरिष्ठ एजेन्सी म्यानेजर माधव राज अधिकारी, शाखा प्रमुख लाहनु थारू समाजसेवी चन्द्र चौधरीले सामुहिक रूपमा समाजमा नमुना होस भन्ने उदेश्यका साथ बीमा पोलिसी हस्तान्तरण गरेका हुन् ।
