काठमाडौं । चालु आर्थिक वर्षको ६ महिना पुससम्म ३ वटा लघु जीवन बीमा कम्पनीहरुले साढे २ करोड रुपैयाँ बढीको व्यापार गरेका छन्।
नेपाल बीमा प्राधिकरणले सार्वजनिक गरेको तथ्यांक अनुसार गार्डियन माइक्रा लाइफ, क्रेष्ट माइक्रा लाइफ र लिबर्टी माइक्रा लाइफले यो ६ महिनाको अवधिमा २ करोड ५२ लाख ४४ हजार रुपैयाँ कुल बीमाशुल्क आर्जन गरेका हुन्।
पुससम्म सर्वाधिक व्यापार गर्नेमा क्रेष्ट माइक्रो लाइफ रहेको छ। यो कम्पनीले १ करोड ५७ लाख रुपैयाँ कुल बीमाशुल्क आर्जन गरेको छ।
यसैगरी यो अवधिसम्म गार्डियनले ६६ लाख ३५ हजार रुपैयाँ र लिबर्टीले २८ लाख २६ हजार रुपैयाँ कुल बीमाशुल्क आर्जन गरेका छन्।
पुससम्म कुल सक्रिय रहेको बीमालेख संख्या क्रेष्टको ८ हजार ५३२, गार्डियनको ४ हजार ६५८ र लिबर्टीको ८५१ रहेको छ।
