काठमाडौं । कारोबारमा आएको ५ दिनमानै नेप्सेको १० औँ ठूलो कम्पनी बन्न हिमालयन रिइन्स्योरेन्स सफल भएको छ । पुष २९ गते कम्पनीको बजार मूल्यले माथिल्लो सर्किट हानेसँगै कम्पनी बजार पुँजीकरणका हिसाबले १० औँ ठूलो कम्पनी बन्न सफल भएको छ ।
नेप्सेमा कारोबार हुने कम्पनीमध्ये नेपाल टेलिकमको सर्वाधिक पुँजीकरण रहेको छ । कम्पनीको १ खर्ब ६२ अर्ब बजार पुँजीकरण हुँदा १० औँ स्थानमा रहेको हिमालयन रि इन्स्योरेन्सको पुँजीकरण ४९ अर्ब ७८ करोड रहेको छ ।
कारोबारमा आएको दिन देखिनै कम्पनीको बजार मूल्य निरन्तर सर्किट लेभलमा बढीरहेको छ । पहिलो दिन ३०९.२० रुपैयाँमा खुलेको मूल्य पुष २९ गतेसम्म ४९७.८० सम्म आईपुगेको छ । पछिल्लो कारोबार दिन कम्पनीको ४५ हजार ६८४ कित्ता शेयर कारोबार भएको थियो ।
कुल बजार पुँजीकरण धेरै भएका कम्पनीको मूल्यमा भएको उतारचढावले नेप्से परिसूचकलाई धेरै असर गर्ने गर्दछ।
नेप्सेमा शिर्ष १० बजार पुँजीकरण भएका कम्पनी :
