काठमाडौं । आर्थिक वर्ष २०८० /८१ को मंसिर महिनासम्ममा दुई लघु निर्जीवन बीमा कम्पनीहरुले २ करोड ७९ लाख रुपैयाँ कुल बीमा शुल्क आर्जन गरेका छन् । यी कम्पनीहरुले मंसिर महिनासम्ममा कुल ११ हजार १८८ वटा बीमा पोलिसी विक्री गरी २ करोड ७९ लाख कुल बीमा शुल्क आर्जन गर्न सफल भएका हुन् ।
जसमध्ये नेपाल माइक्रो इन्स्योरेन्स कम्पनीले मंसिर महिनासम्ममा ८ हजार १३७ वटा पोलिसी विक्री गरी १ करोड ४० लाख ८४ हजार रुपैयाँ कुल बीमा शुल्क आर्जन गरेको छ । कम्पनीले मंसिर महिनामा मात्रै ४ हजार ७३२ वटा पोलिसी विक्री गरी ७९ लाख ५३ हजार रुपैयाँ बीमा शुल्क आर्जन गरेको हो ।
त्यसैगरी प्रोटेक्टिभ माइक्रो इन्स्योरेन्स कम्पनीले मंसिर महिनासम्ममा १ करोड ३८ लाख ५० हजार रुपैयाँ कुल बीमा शुल्क आर्जन गरेको छ । कम्पनीले ३ हजार ५१ वटा पोलिसी विक्री गरी उक्त बीमा शुल्क आर्जन गरेको छ । मंसिर महिनामा मात्रै कम्पनीले ८०६ वटा बीमा पोलिसी विक्री गरी ३१ लाख ९३ हजार रुपैयाँ बीमा शुल्क आर्जन गरेको छ ।
