काठमाडौं । एनएलजी इन्स्योरेन्स कम्पनी लिमिटेडले बीमा अभिकर्ता तालिम सम्पन्न गरेको छ । कम्पनीले मंसिर २८देखि मंसिर ३० गतेसम्म कृषि, पशुपंक्षी तथा जडिबुटी बीमा अभिकर्ता तालिम सम्पन्न गरेको हो ।
उक्त तालिम कोशी प्रदेशको बिराटनगरमा संचालन गरेको कम्पनीले जनाएको छ । उक्त कार्यक्रम कोशी प्रदेश प्रमुख खड्ग बहादुर श्रेष्ठको संयोजकत्वमा संचालन भएको हो । ५० जना प्रशिक्षार्थीहरुको सहभागी रहेको कार्यक्रममा बीमा प्राधिकरणले तयार गरेको बिषयमा प्रशिक्षण दिईएको हो ।
कार्यक्रममा खड्ग बहादुर श्रेष्ठ,सुभाष दाहाल, नवराज शाक्य ,नरेन्द्र भुजेल, दिनेश कुमार दाहाल, दिलिप कुमार दास, संजय माझी र धर्मानन्द मिश्रले प्रशिक्षण दिएका थिए ।
प्रशिक्षण कार्यक्रम पश्चात अभिकर्ताहरुको परीक्षा समेत लिइएको थियो । तालिम पश्चातप्रशिक्षार्थीहरुलाई प्रमाण पत्र वितरण गरिएको थियो । यस तालिम पश्चात ५० जना अभिकर्ताले गाउँ गाउँ सम्म बीमा सचेतना पुर्याउने र कृषकहरु लाभान्वित भई देश बिकाशमा सहयोग पुग्ने कुरा कार्यक्रम संयोजक खड्ग बहादुर श्रेष्ठले बताए ।
