काठमाडौं । विकास बैंकहरुले पनि ब्याजदर घटाउन थालेका छन्।
वाणिज्य बैंकहरुले धमाधम ब्याजदर घटाइरहेको बेला विकास बैंकहरुले पनि घटाउन थालेका हुन्। गरिमा विकास बैंक र सांग्रिला डेभलपमेन्ट बैंकले आज मंसिर २७ गतेदेखि लागू हुने गरी ब्याजदर घटाएका छन्।
गरिमा विकास बैंकले व्यक्तिगत मुद्दति निक्षेपको अधिकतम ब्याजदर घटाएर ९.४ प्रतिशत र संस्थागतको ७.४ प्रतिशतमा झारेको छ। यसअघि मंसिर १ गतेदेखि लागू हुने गरी गरिमाले व्यक्तिगत मुद्दति निक्षेपको अधिकतम ब्याजदर ९.७५ प्रतिशत र संस्थागतको ७.७५ प्रतिशत कायम गरेको थियो। गरिमाले ०.३५ प्रतिशतको विन्दुले ब्याजदर घटाएको छ।
गरिमाले कल निक्षेपको अधिकतम ब्याजदर पनि २.३७५ प्रतिशतबाट घटाएर २.२ प्रतिशतमा र सामान्य बचतको अधिकतम ब्याजदर ७.७५ प्रतिशतबाट घटाएर ७.४ प्रतिशतमा झारेको छ।
यसैगरी सांग्रिलाले व्यक्तिगत मुद्दति निक्षेपको अधिकतम ब्याजदर १०.६० प्रतिशतबाट घटाएर ९.५५ प्रतिशतमा र संस्थागतको ८.६० प्रतिशतबाट घटाएर ७.५५ प्रतिशतमा झारेको छ। यो बैंकले १.०५ प्रतिशतको विन्दुले ब्याजदर घटाएको छ।
सांग्रिलाले कल निक्षेपको अधिकतम ब्याजदर २.८ प्रतिशतबाट घटाएर २.४ प्रतिशत र सामान्य बचतको अधिकतम ब्याजदर ८.६ प्रतिशतबाट घटाएर ७.८ प्रतिशत कायम गरेको छ।
