कागठमाडौं । पोखरामा मुख्य कार्यालय रहेको लिवर्टी माइक्रो लाइफ इन्स्योरेन्सले इटहरीमा प्रादेशिक कार्यालय स्थापना गरी सेवा सुरु गरेको छ । बीमामा विपन्न, गरीब तथा सिमान्तकृत समुदायको पहुँच विस्तार गर्ने उद्धेश्यका कम्पनीले इटहरी बाट प्रादेशिक सेवा सुरु गरेको जनाएको छ ।
साथै, कम्पनीले इटहरी र गाइघाटमा आधारभुत तालिम सम्पन्न गरेको छ । यो कम्पनीले कोशी प्रदेशको ईटहरी, गाईघाट र दमकमा कार्यलय संचालनको अनुमती पाएको छ । कम्पनीले आफ्नो सेवा क्षेत्र विस्तार गर्दै गाउँ गाउँमा विमाको सेवा पुर्याउन विमा सम्वन्धि सचेतनामुलक कार्यक्रम संचालनमा ल्याउने योजना बनाएको लिबर्टी माईक्रो इन्स्योरेन्सका डिजिएम तथा चिफ मार्केटिङ्ग अफिसर अशोक कुवँरले बताए ।
लघुबीमामा उमेर अनुसार निश्चित रकम बुझाएपछि एक बर्षको बिमा हुने गर्छ । न्यून आय भएका वा विपन्न वर्गका व्यक्तिहरूलाई लक्षित गरी सञ्चालन गरिने बीमा नै ‘लघुबीमा’ हो । सामान्यतः साना आकारको बीमा नै लघुबीमा हो र साना आकारको बीमा गर्ने कम्पनी नै लघुबीमा कम्पनी हुन । यस्ता कम्पनीले तोकिएको सीमाभन्दा माथि गएर बीमा गर्न पाउँदैनन। न्यून आय भएका व्यक्तिको भविष्यमा हुन सक्ने जोखिमलाई लघुबीमाले वहन गर्छ ।
