काठमाडौं । नबिल सेक्यूरिटिज लिमिटेडको प्रमुख कार्यकारी अधिकृतमा सुरेश देवकोटा नियुक्त भएका छन् । नबिल सेक्यूरिटिजको संचालक समितिले देवकोटालाई असोज २१ गतेदेखि लागु हुनेगरि चार वर्षकोलागि उक्त पदमा नियुक्त गरेको हो ।
करिब दुई दशक लामो बैकिङ्ग क्षेत्रको अनुभव हासिल गरेका देवकोटा नबिल बैंकको प्रमुख लगानी अधिकृतको रुपमा कार्यरत रहेका थिए । आफ्नो बैकिङ्ग करियर बि.सं.२०६२ सालमा नेपाल बैंकबाट सुरु गरेका थिए ।
व्यवसायिकरुपमा चार्टर्ड एकाउन्टेन्ट रहेका देवकोटा नेपाल चार्टर्ड एकाउन्टेन्ट्स संस्था (आईक्यान) का पूर्व पार्षद रहनुका साथै नेपाल लेखामान बोर्डका सदस्य समेत रहेका थिए ।
