काठमाडौं । हिमालयन लाइफ इन्स्याेरेन्सका नायब प्रमुख कार्यकारी अधिकृत विपिन कुमार लाल स्वेच्छिक अवकाश राेजेर बाहिरिएका छन् । उनी हिमालयन लाइफमा नायब प्रमुख कार्यकारी अधिकृत पदमा कार्यरत थिए।
प्राइम लाइफ, गुराँस लाइफ र यूनियन लाइफ इन्स्याेरेन्सले बैशाख २६ गतेबाट हिमालयन लाइफ इन्स्याेरेन्सकाे नामबाट एकीकृत काराेबार शुरु गर्नु अघि उनी गुराँस लाइफ इन्स्याेरेन्समा प्रमुख कार्यकारी अधिकृत पदमा कार्यरत थिए । मर्जर सम्झाैता अनुसार एकीकृत कम्पनीकाे प्रमुख कार्यकारी अधिकृत र सञ्चालक समिति अध्यक्ष दुबै पदमा साबिक यूनियन लाइफ इन्स्याेरेन्सबाटै प्रतिनिधित्व हुने भएपछि उनी नायब प्रमुख पदमा नियुक्त हुनु परेकाे थियाे ।
२०७८ कात्तिक ३ गते गुराँस लाइफमा प्रमुख कार्यकारी अधिकृत पदमा नियुक्त हुनु अघि लाल लाइफ इन्स्याेरेन्स कर्पाेरेशन नेपालकाे मधेश प्रदेश प्रमुखकाे जिम्मेवारीमा रहेका थिए।
तीनवटा जीवन बीमक गाभिएपछि काराेबार र शाखा सञ्जालकाे तुलनामा कर्मचारी संख्या अधिक भएकाे निष्कर्ष सहित हिमालयन लाइफ इन्स्याेरेन्सले स्वेच्छिक अवकाश याेजना सार्वजनिक गरेकाे थियाे । स्वेच्छिक राजीनामा राेजेर असाेज ५ गतेदेखि लागू हुने गरी लाल हिमालयन लाइफ इन्स्याेरेन्सबाट बाहिरिएका हुन् ।
