काठमाडौं । नेपालकै पहिलो इन्स्योरेन्स कम्पनी नेपाल इन्स्योरेन्स कम्पनी नेपाल इन्स्योरेन्स कम्पनी लिमिटेड स्थापना भएको ७६औं वर्ष पूरा भई ७७औं वर्ष प्रवेश गरेको छ। सोही अवसरमा कम्पनीले संस्थालाई निरन्तर साथ र सहयोग गरि अगाडि बढ्न प्रेरित गर्ने समस्त ग्राहकवर्ग, नियामक निकायहरु, प्रतिष्ठित लगानीकर्ताहरु, कर्मचारीहरु लगाएत सम्पूर्ण शुभचिन्तकहरुमा आज विशेष दिनको उपलक्ष्यमा हार्दिक आभार व्यक्त गरेको छ ।
यस कम्पनीको छुट्टै पहिचान र पहुँच कायम राखि ७६ वर्ष देखि उत्कृष्ट बीमा सेवा निरन्तर रुपमा दिई आएकोमा आगामी दिनमा अझ परिष्कृत, चुस्त र सिघ्र बनाई समयानुकुल नविनतम प्रविधिको माध्यमबाट आधुनिक बीमाका योजना तथा सुविधाहरु सरल र सहज ढगंले बीमितसम्म पुर्याउने प्रतिवद्धता कम्पनीले व्यक्त गरेको छ ।
कम्पनीले बीमितहरुलाई सहज र सरल रुपमा उत्कृष्ट बीमा सेवा प्रदान गर्दै आएकोमा आगामी दिनमा आबश्यकताका आधारमा कम्पनीको शाखा संजाललाई बिस्तार गरी ग्राहकको आबश्यकता, सेवा र सन्तुष्टिलाई समेत विशेष ध्यान दिई कम्पनीका सम्पूर्ण काम कारवाहीहरुलाई पूर्ण व्यवसायिक र पारदर्शी बनाउँदै स्तरीय बीमा सेवा प्रदान गर्दै जाने प्रण गरेको छ ।
आर्थिक बर्ष २०७९/ ८० को चौथो त्रैमाससम्ममा कम्पनीको चुक्ता पूँजी १ अर्ब ४९ करोड रुपैयाँ रहेको छ । जगेडा कोषमा ४९ करोड २७ लाख रुपैयाँ संचिती रहेको छ । समिक्षा अवधिमा कम्पनीको बीमा कोष ९५ करोड २६ लाख रुपैयाँ रहेको छ । अघिल्लो वर्षको यसै अवधिमा ७५ करोड ३२ थियो । अघिल्लो बर्षको तुलनामा कम्पनीको जीवन बीमा कोषको आकार बढेको हो ।
यस अवधिमा कम्पनीले ४० करोडमाथि खुद नाफा आर्जन गरेको छ । कम्पनीले ७९ करोड ८१ लाख रुपैयाँ खुद बीमा शुल्क आर्जन गरेको छ ।यस अवधिमा कम्पनीले २९ करोडमाथि खुद दाबी भुक्तानी गरेको छ ।
