काठमाडाैं । भारतमा निर्जीवन बीमा परिषद्ले स्वास्थ्य बीमा दाबीवापतकाे भुक्तानीलाई नगद रहित बनाउनका लागि अस्पतालहरुलाई सूचीकृत गर्ने तयारी गरेकाे छ।
परिषद्ले देशभरका स्वास्थ्य संस्थाहरूबाट सूचीकरणका लागि प्रस्ताव आह्वान गर्ने र छनाैट गरिएका स्वास्थ्य संस्थाहरूबाट मात्र स्वास्थ्य बीमा वा दुर्घटना बीमावापतकाे उपचार सेवा उपलब्ध गराउन निर्जीवन बीमकहरूलाई निर्देशन दिनेछ। स्वास्थ्य बीमावापतकाे उपचार सुविधा र दाबी रकम भुक्तानी प्रकृया झण्झटिलाे भएकाे गुनासाे सँगै परिषद्ले यस्ताे कदम चाल्न थालेकाे हाे ।
परिषद्ले सूचीकृत स्वास्थ्य संस्थाहरूलाई सूचीकृत राेगकाे उपचारका लागि गरिने परिक्षण, औषधी, चिकित्सकीय परामर्श र शल्यकृयाका लागी लाग्ने शुल्क समेत निर्धारण गरिदिने तयारी गरेकाे भारतीय सञ्चार माध्यमहरूले उल्लेख गरेका छन् । परिषद्ले यही अक्टाेबर महिनाकाे अन्त्यसम्ममा सूचीकरणकाे काम पुरा गरिसक्ने लक्ष्य लिएकाे छ।
परिषद्ले सूचीकरणकाे सहयाेगबाट अस्पतालहरूले स्वास्थ्य बीमाका फर्जी उपचार गर्ने र अधिक रकम दाबी माग्ने प्रवृत्तीमा नियन्त्रण गर्न याे कदमले सहयाेग पुर्याउने अपेक्षा गरेकाे छ।
सेप्टेम्बर महिनासम्ममा, आइसीआइसीआइ लोम्बार्ड जनरल इन्स्योरेन्सले आफ्नो वेबसाइटमा सार्वजनिक गरिएको विवरण अनुसार, बेइमान दाबी र अत्यधिक मूल्यमा मेडिकल बिल र अस्पतालहरूबाट दाबीको शंकाको कारण करिब ३ हजार अस्पताललाई कालाे सूचीमा राखिएकाे छ।
