काठमाडौं । लघु जीवन बीमा कम्पनी लिबर्टी माइक्रो लाइफ इन्स्योरेन्स लिमिटेडको सिइओमा रामकुमार यादव नियुक्त भएका छन् । बीमा प्राधिकरणबाट आज भदौ २७ गते स्वीकृति भई उनले आजैबाट जिम्मेवारी सम्हालेका हुन् ।
मेट लाइफ इन्स्योरेन्समा १९ वर्ष कार्य गरि हेड अफ अपरेशन (सञ्चालन प्रमुख)को जिम्मेवारी समेत सम्हालि सकेका यादवले नेपाल पुनर्बीमामा जीवन बीमा विज्ञको रूपमा समेत काम गरेका छन् । त्रिभूवन विश्वविद्यालयबाट विज्ञान र व्यवस्थापन विषयमा स्नातकोत्तर उपाधि हासिल गरेका यादवले कपिलवस्तुबाट विद्यालय तहको अध्ययन पुरा गरेका हुन् ।
उनले ग्रामिण तथा सिमान्तकृत क्षेत्रमा बीमाको पहुँच विस्तार गर्ने बताएका छन् । सोही अनुसार भौगलिक तथा आर्थिक रुपमा पिछडीएको वर्गमा गएर बीमा सेवा प्रदान गर्ने मुख्य योजना रहेको उनले बताए । यस कम्पनीको औपचारीक उद्घाटन दशैं अघि नै गर्ने समेत उनले जनाएका छन् ।
