काठमाडौं । नेप्से परिसूचक दुई कारोबार दिनमा ४७ दशमलव १६ अंकले वृद्धि भएको छ । दुई कारोबार दिनमा केही कम्पनीको शेयर मूल्य २१ प्रतिशतसम्म वृद्धि भएको छ । कुथेली बुखरी स्मल हाइड्रोपावरको शेयर मूल्य दुई दिनमा २० दशमलव ९७ प्रतिशतले वृद्धि भएको छ । भदौ ४ गते ५२६ दशमलव ९० रहेको कम्पनीको बजार मूल्य भदौ ६ मा आइपुग्दा ६३७ दशमलव ४० पुगेको छ। दुई कारोबार दिनमा कम्पनीको बजार मूल्य ११० रुपैयाँ ५० पैसाले वृद्धि भएको छ ।
त्यस्तै सो समयमा दोश्रोमा इङ्ग्वा हाइड्रोपावरको शेयर मूल्य १३ दशमलव ६१ प्रतिशत र लिवर्टी ईनर्जीको शेयर मूल्य ११ दशमलव ३० प्रतिशतले वृद्धि भएको छ ।
दुई दिनको बजार वृद्धिमा जलविधुत कम्पनीहरुकै शेयर मूल्य आक्रामक रुपमा वृद्धि भएको देखिन्छ ।
