काठमाडौं । मनकामना इन्जिनियरिङ्गको आइपीओ बाँडफाँड सम्पन्न भएको छ । बाँडफाँडमा भाग्यमानी २ लाख २७ हजार ६६२ आवेदनले १० कित्ताका दरले शेयर पाएका छन् ।
दोश्रो बजारमा सूचीकृत भएपश्चात् कम्पनीलाई पहिलो शेयर कारोबारका लागि नेप्सेले न्युनतम प्रतिकित्ता ७४ रुपैयाँ देखि अधिकतम २२२ रुपैयाँसम्म रेञ्ज दिने सम्भावना देखिएको छ । पहिलो कारोबारको लागि कम्पनीले वास्तविक किताबी मूल्य देखि किताबी मूल्यको तीन गुणासम्म रेञ्ज पाउने गर्छन् । कम्पनीको आर्थिक वर्ष ७८/७९ को वास्तविक प्रति शेयर नेट्वर्थको आधारमा रेञ्ज पाउने सम्भावना छ । स्पेसल प्री ओपनिङ सेशनमा सो रेञ्जमा पहिलो कारोवार हुनुपर्छ । त्यसपछि मात्र कम्पनीको नियमित समयमा शेयर कारोवार शुरू हुन्छ ।
