काठमाडौं । नेशनल इन्स्योरेन्स कम्पनीले गत आर्थिक वर्ष (२०७९/८०) को चौथो त्रैमासिक वित्तिय विवरण सार्वजनिक गरेको छ । कम्पनीले सार्वजनिक गरेको अपरिष्कृत वित्तीय विवरण अनुसार गत आर्थिक वर्षको चौथो त्रैमाससम्म कम्पनीले २० करोड १८ लाख रुपैयाँ खुद मुनाफा आर्जन गरेको छ । गत वर्षको यहि अवधिमा कम्पनी १२ करोड ५६ लाख रुपैयाँ खुद नोक्सानीमा थियो ।
त्यस्तै कम्पनीको बीमा कोष ९ दशमलव ३४ प्रतिशतले बढेको छ । बीमा कोषमा १ अर्ब १८ करोड रुपैयाँ जम्मा भएको छ । अघिल्लो वर्षको यहि अवधिमा बीमा कोषमा १ अर्ब ८ करोड रुपैयाँ थियो ।
समिक्षा अवधिमा कुल बीमा शुल्क आर्जन १२ दशमलव ४६ प्रतिशतले सुधार भएको छ । असार मसान्तसम्ममा खुद बीमा शुल्क आर्जन १ अर्ब १ करोड रुपैयाँ रहेको छ । अघिल्लो आर्थिक वर्षको यहि अवधिसम्म खुद बीमा शुल्क आर्जन ९० करोड ६१ लाख थियो।
कम्पनीले गत आर्थिक वर्ष ९१ करोड २२ लाख रुपैयाँ खुद दाबी भुक्तानी गरेको छ । अघिल्लो आर्थिक वर्षको सोही अवधिमा ८१ करोड ९ लाखको दाबी भुक्तानी भएको थियो । कम्पनीले अझै ५३ करोड २६ लाख रुपैयाँको दाबी भुक्तानी गर्न बाँकी छ ।
